Lundja, fella’m tewwi-yi lmuja. Akka id-as yenna ucennay. Yella yakan di teqsit.

Γur’es settac (mraw sdis) eiseggwasen. Tura tezra eddunit (tudert) yella win fi teshel, yella win tt-ittεebbin am teεkumt, yuyes att-isres. D acu kan, mazal tettamen tirga. Themmel ad targu, yerna tekreh wa’tt-id-yessakwin m’ara tili tettargu.

Lundja teγγar di tesnawit. Ur tezri ara d acu i d isem agi n Lundja, tezra kan d setti’s is-isemman akka. Tamacahutt n Lundja tessen-itt, neγ tesla yes’s yakan. Maεna wissen ma tessen-itt akken iwata.

Assagi tebtel leqraya. Tecedha setti’s, dγa tameddit akw tewwet-itt γures. Ur tuγal ara s aγerbaz.

-         - A setti ! Ayγer zik tiqcicin zewwedjen kan akken mezziyit ? is tenna.

-        -  D acu i d asteqsi agi a taqqect, aεni tebγid ad teddud d tislit ?

-         - Zzriγ akk’ara yi-d tinid, ebγiγ kan ad ezereγ d acu i-ibeddelen.

-         - Kra ur ibeddel a yelli. Neγ menyif tura wala zik.

-         - Zzriγ zik tenhafem, maεna ula d nukni, kra ur izad.

…

Lundja ur tezmir ara ad-tawi ameslay d yemma’s am’akka tettqessir d setti’s. Nettat d yemma’s s-ihen s-ihen kan. Ur tessibnin ara atas I wawal yid’es. Maci d aγunzu neγ d lkerh. D cwit kan n tazayt. Wissen iwacu. Tikwal, teqqar i yiman-is d ayfi is-eqqaren Lundja. Tezra anita id yemma's.

Aselmad-is γures 24 iseggwasen di leεmer-is. Ilindi id-yeffeγ seg tesdawit. M’ara-d yekcem ar tzeqqa (salle), tetthulfu ul-is yeldi, yeddjudjeg. Amer tettaf, tamsirt ad tekk kra yekka wass. Ur tettfak ara.

Ulac ass i tebtel ar γur’es. Yiggwas tettef-tt tawla, tuγal werraγet, amzun d lmut itt-iktalen. Xas assen ur teqqim ara deg wexxam. Tefuk kan temsirt-is tekcem s axxam. Temekta’d belli tuden, ur tezmir ara akwiya ad tbedd ff’idaren-is.

Seg wassen, Muqran, aselmad enni, ifaq yella kra ….

[Kemmelet-as kunwi